САДЕНДЖЫЗЫ ÆЛДАР

Нарты Уырызмæг йæ фæстаг фосы конд куы сфæнд кодта æмæ йæхицæн егъау чырын фæсивæдæн куы саразын кодта, уым ын хæринаг къуырийы фаг куы сæвæрдтой æмæ йыл æй æнгом куы ныхгæдтой, афтæмæй йæ фурды куы баппæрстой, уæд æй фурд иу æхсæв Саденджызы æлдары бæхты дондарæны раппæрста кæронмæ. Æлдар бацин кодта, Уырызмæг йæ къухы кæй бафтыд, ууыл. Цæмæй зыдта Уырызмæгыл æнцонтæй нæ фæуæлахиз уыдзынæ. Йæ зонд кæрдаг уыд æмæ Саденджызы æлдарыл зондæй фæтых. Йе 'фсады йын Нарты фæсивæдæн фæцæгъдын кодта, йæхи та йын йæхæдæг мæсыджы сæрæй разыввытт кодта. Цыдæриддæр Саденджызы æлдары бæстæйы фос ссардтой, уыдон раскъæрдтой. Цы фæллой рахастой, уый иууылдæр байуæрстой Æртæ Нартыл, иу адæймаджы дæр дзы æнæхай нæ ныууагътой, фосæй та афæдзæй-афæдзмæ фæкодтой номы куывдтæ æмæ номы хæрнæджытæ.

кæс «АРВЫ ДУАР»-Ы СÆРГÆНДТÆ